La patente

Ogni tanto salta fora,con scadensa puntuale,dei solenni paginonisul doman de l’Arsenale...E consiglieri e portaborse,e politici nostrani,e assessori e consulenti,e saoni e ciarlatanii fa a gara par ’nunciàrel futuro più splendente,el restauro più efficace,el “restyling” più sapiente!,con gran bar, supermercati,gran vetrate, bei giardini,e balere e cortileti,campi gioco pa’ i butini,e librerie, pinacoteche,e musei mirabolanti,verdi campi da balon,biblioteche e ristoranti...Mai nessun che tira fora,con na mente che ragiona,l’esigensa de salvàrl’unica roba che funsiona!Mai na volta che un saonel sia bon de ricordarche lì ghe za na gran richessasolamen da preservàr!:in mezo a case sbudelàde,gh’è un gran spassio belo vèrtodove artisti e comediantiel teatro i fa a l’aperto!,raccontando mile storie,sogni d’arte e de passioni,e la cultura più gioiosacoi so incanti e le emossioni!E bastarìa proprio gran pocopar sistemarlo un pochetin:na tribuna, du fioriere...e ’l deventa un gioielin!Se n’ha incorto i veronesi,che in serate linde e belein migliaia i core a vedarsoto i albari e le stele...No i se n’ha gnancora incorto– e no i sa gnanca che l’esista ­–i contabàle patentati,i burocrati più in vistaancoràdi a la carega,boni sol de no far gnente,che no i sa cosa succedepar le strade, fra la gente!...Vorà dir che, quando ancorauno de sti gran saonifarà el prossimo proclamacon promesse e paroloniignorando che za esistesto prodigio de gioielche se podarìa salvàrsol co na nina de servèl,l’avrà conquistà de boto,e merità seduta stante,el diritto de ottegnìrla patente de ignorante!